شازادەی فیشەک لێدان

جی ئیون ئەندامی تیپی سەمای کۆریای باکوور و کچی سەرۆکی کۆریای باکوورە، دوای یەکێک لە نمایشەکانیان بەرەو باشوور هەڵدێت. جی ئیون بە تامەزرۆییەوە بۆ گەڕان بەدوای ژیانی لیبڕاڵ لە سیئۆلدا، بەدوای ژیانێکی نوێی ئازادیدا دەگەڕێت لە کۆریای باشوور. زۆری نەخایاند تووشی جۆن-هۆ دەبێت کە سەرکردەیەکی تیپێکی ڕۆکی ناوخۆییە. پاشان پەیوەندییەکەی نێوانیان وەرچەرخانێکی چاوەڕواننەکراو بەخۆیەوە دەبینێت لەگەڵ نزیکبوونەوەیان لە یەکتر. لەم نێوەندەدا دەزگای هەواڵگری لە کۆریای باشوور دەزانێت کە پیلانێک لەلایەن سی ئای ئەی ئەمریکییەوە ڕێکدەخرێت بۆ تێکدانی ئاشتی لە نیمچە دوورگەی کۆریا؛ سی ئای ئەی پیلان دادەڕێژێت بۆ ڕفاندنی جی ئیون بە نهێنی. هێزە نهێنییەکانی باکوور و باشوور بە دوودڵیەوە ڕێکدەکەون لەسەر ئەوەی کە پێکەوە کاربکەن بۆ ڕێگریکردن لە ئەگەری شەڕی نێوان هەردوو وڵاتەکەیان.