بەرنامەی ئاشلی سیمپسۆن بەرنامەیەکی واقیعی تەلەفزیۆنی بوو کە باس لە ژیانی ئاشلی سیمپسۆن دەکات. وەرزی یەکەم کە لە ساڵی ٢٠٠٣ تا ناوەڕاستی ٢٠٠٤ تۆمارکرا، تیشکی خستە سەر سەرەتای ژیانی هونەری وەک گۆرانیبێژ و تۆمارکردنی یەکەم ئەلبوومی بەناوی ئۆتۆبایۆگرافی. وەرزی دووەم کە لە کۆتاییەکانی ٢٠٠٤ تا سەرەتای ٢٠٠٥ تۆمارکرا، سەرنجی لەسەر ژیانی هونەری بوو دوای بڵاوبوونەوەی ئەلبوومەکە. وەرزی یەکەم پێکهاتبوو لە هەشت ئەڵقەی نیو کاتژمێری، وەرزی یەکەم لە هاوینی ٢٠٠٤ لە کەناڵی MTV لە ئەمریکا نمایشکرا، بەرنامەکە تاڕادەیەک سەرکەوتوو بوو و یارمەتیدەر بوو بۆ دامەزراندنی ناساندنی بەرفراوان بۆ سیمپسۆن، کە ئەلبوومەکەی لە ٢٠ی تەمموزی ٢٠٠٤ بڵاوکرایەوە، مانگێک دوای دەستپێکردنی پەخشکردنی بەرنامەکە، و بۆ یەکەمجار لە پلەی یەکەمی فرۆشتندا دەرکەوت. جۆردن شور، سەرۆکی کۆمپانیای تۆمارکردنی گۆرانی سیمپسۆن، گێفن، دەڵێت "هیچ پرسیارێک نییە کە بەڕاستی یارمەتیدەر بووە لە ئاشکراکردنی ئەو و مۆسیقاکەی. ئەو کەسایەتییەکی گەورەی هەیە؛ خەڵک بەرەو ئەوە ڕادەکێشن. دەیانەوێت سەیری بکەن و گوێ لە مۆسیقاکانی بگرن". وەرزی دووەم کە لە دە ئەڵقە پێکهاتبوو، لە سەرەتای ساڵی ٢٠٠٥ پەخشکرا.