Gabriella Wright

لەدایکبوونی: 1982-06-19 شوێنی لەدایکبوون: Stoke Newington, London, England, UK تێکڕای بەرهەم: 25

دەربارەی ئەکتەر

گابریێلا ڕایت لەدایکبووی ١٩ی حوزەیرانی ١٩٨٢، ئەکتەر و مۆدێلێکی ئینگلیزییە، بە ڕۆڵی شاژنە کلۆدی فەرەنسا لە زنجیرەی The Tudors و ڤیۆلا لە فیلمی The Perfect Husband و جینا لە فیلمی ئەکشن تریلەری The Transporter Refueled ناسراوە. جگە لە کاری نواندن و مۆدێل، کەسێکی مرۆڤدۆستانە و چالاکوانە و بەشدارییەکی بەرفراوانی هەیە لە زۆرێک لە هەڵمەتە نێودەوڵەتییەکان سەبارەت بە توندوتیژی جێندەری و خۆپاراستن لە خۆکوشتن. ڕایت لە ١٩ی حوزەیرانی ١٩٨٢ لە شاری ستۆک نیوینگتۆن لە لەندەن لەدایکبووە، لە دایک و باوکی ناویان پۆڵ دەیڤید ڕایت، پەیکەرتاش و نیگارکێش و ئان کاترین ڕایت، مامۆستا و نووسەر. خوشک و براکانی بریتین لە پاولێت و پاسکال ڕایت. لە تەمەنی ١٢ ساڵیدا لەگەڵ دایک و باوکیدا ڕوویان لە فەرەنسا کردووە، و دەرچووی بەشی ئەدەبیاتی ئینگلیزی و ئابووری کۆمەڵایەتی بووە. ئێستا لە شاری لۆس ئەنجلۆس نیشتەجێیە. ڕاهێنەرە نواندنەکانی ڕایت بریتین لە سوزان باتسۆن و جاک گارفین. لە ساڵی ٢٠٠٤ ڕایت یەکەم ڕۆڵی سەرەکی خۆی لە فیلمی One Dollar Curry بینی کە لە دەرهێنانی ڤیجای سینگ بوو. لە ساڵی ٢٠٠٧ ڕایت وەک شاژنە کلۆدی فەرەنسا لە زنجیرە درامای مێژوویی The Tudors دەرکەوت. لە ساڵی ٢٠١٤ ڕایت لە وەرزی حەوتەمی زنجیرە درامای سەروو سروشتی کەناڵی HBO بەناوی True Blood دەرکەوت، کە تێیدا ڕۆڵی سیلڤی بینی کە تەواو ڕووت بێت. ڕۆڵی سەرەکی لە فیلمی ترسناک The Perfect Husband لەگەڵ برێت ڕۆبەرتس و کارل وارتن ڕۆڵی سەرەکی بینیوە و لە دەرهێنانی لوکاس پاڤێتۆ. لە ساڵی ٢٠١٥ ڕایت لە فیلمی ئەکشنی تریلەری The Transporter Refueled دەرکەوت کە لەلایەن کامیلی دیلامارەوە دەرهێنرا. لە ساڵی ٢٠١٦دا ڕایت لە فیلمی سیکیوریتی وەک ڕوبی بەشداری کرد کە ئەنتۆنیۆ باندێراس و بن کینگسلی ڕۆڵی سەرەکی تێدا دەگێڕن. لە ساڵی ٢٠١٨ ڕایت ڕۆڵی ڕیبێخا ڤۆڵت دەگێڕێت لە فیلمی Action Team کە فیلمێکی سیخوڕی کۆمیدییە و لەلایەن جەیمس دی فرۆندەوە دەرهێنراوە. ڕایت ڕۆڵی ڤێرۆنیکا دەگێڕێت، کە ژنە کوژراوەکەی کەسییە بۆ کارەکتەری ئەنتۆنیۆ باندێراس لە فیلمی کۆمیدی ئەکشنی ئەمریکی کە لە ساڵی ٢٠٢١دا نمایش دەکرێت، Hitman’s Wife’s Bodyguard، لە دەرهێنانی پاتریک هیوز. سەرچاوە: وتارێکی "گابریێلا ڕایت" لە ویکیپیدیا بە زمانی ئینگلیزی، مۆڵەتی بەپێی CC-BY-SA 3.0.