Alice Hollister

دەربارەی ئەکتەر

لە ویکیپیدیاوە ئەلیس هۆلیستەر (بە ئینگلیزی : Alice Hollister ) لە ٢٨ی ئەیلوولی ١٨٨٦ - ٢٤ی شوباتی ١٩٧٣، ئەکتەری فیلمی بێدەنگی ئەمریکییە و لە نێوان ساڵانی ١٩١١ بۆ ١٩٢٥ لە ٨٥ فیلمدا بەشداری کردووە. لە شاری وورسیستەری ویلایەتی ماساشوستس لەدایکبووە، پێدەچێت کچی کۆچبەرانی فەرەنسی-کەنەدا بووبێت. لە ساڵی ١٩٠٣ لە تەمەنی حەڤدە ساڵیدا لەگەڵ جۆرج ک.هۆلیستەر هاوسەرگیری کرد کە چەند ساڵێک دواتر بوو بە سینەماکارێکی پێشەنگ لەگەڵ ستۆدیۆکانی کالێم لە شاری نیویۆرک. کچێکیان هەبووە بە ناوی دۆریس ئیتێل کە لە ساڵی ١٩٠٦ لەدایکبووە و جۆرج جونیۆر لە ساڵی ١٩٠٨ لەدایکبووە. کاتێک ستۆدیۆکانی کالێم لە زستاندا دەستی کرد بە ناردنی تیمێکی سینەما بۆ فلۆریدا، ئەلیس هۆلیستەر یاوەری هاوسەرەکەی بوو. لە ساڵی ١٩١١ دەستی بە دەرکەوتنی لە فیلمدا کردووە، سەرەتا بەهۆی بچووکی تیمەکەی و پێویستییەکی زۆر بە مێینە لە بەشێکی کەمدا. بەڵام حەزی لە نواندن بوو و دواتر لە زۆرێک لە فیلمەکاندا بەشداری کرد، دوا فیلمیش لە ساڵی ١٩٢٥ بوو. یەکێک لە ڕۆڵە هەرە گرنگەکانی هۆلیستەر ڕۆڵی مەریەمی مەجدەلین بوو لە فیلمی لە گۆڕەوە بۆ خاچ (١٩١٢). ئەم فیلمە لە شوێنی خۆی لە فەلەستین وێنە گیراوە، بۆ پاراستنی لە تۆماری نیشتمانی فیلمی ئەمریکا هەڵبژێردراوە. فیلمی The Vampire (1913) وای لێکرد یەکەم ڤامپی ناسراو بێت لە سینەمادا، پێش تێدا بارا لە فیلمی A Fool There Was (1915). بۆ ئەو ڕۆڵە ناوی لێنرا "خوێنمژە ڕەسەنەکە". لە فیلمی The Vampire's Trail (1914) و The Lotus Woman (1916) کارەکتەری دووبارە کردەوە، کە دوا فیلمی بۆ کالێم بوو. هاوسەرەکەی ئەلیس هۆلیستەر لە ساڵی ١٩٥٢ کۆچی دوایی کرد و ئەویش لە ساڵی ١٩٧٣ لە تەمەنی ٨٦ ساڵیدا لە شاری کۆستا مێسا لە ویلایەتی کالیفۆرنیا کۆچی دوایی کرد. پێکەوە لە گۆڕستانی گەورە، کۆلۆمباریۆمی دڵنەوایی لە گۆڕستانی پارکە یادگارییەکانی فۆڕێست لاون لە شاری گلێندەیڵ لە ویلایەتی کالیفۆرنیا بە خاک دەسپێردرێن.