Veiko Õunpuu

دەربارەی ئەکتەر

ڤێیکۆ ئوونپو (بە ئینگلیزی : Veiko Õunpuu ) لەدایکبووی ١٦ی ئازاری ١٩٧٢ لە شاری سارێمایە، دەرهێنەر و سیناریۆنووسێکی ئیستۆنییە و بە فیلمە هونەرییەکانی تۆپی پاییز (Sügisball, ٢٠٠٧) و وەسوەسەی سانت تۆنی (Püha Tõnu kiusamine, ٢٠٠٩) ناسراوە. فیلمەکانی ئوونپو بەزۆری فیلمی هونەری خاون و کارەکتەری سەرنجڕاکێشیان هەیە. لە ساڵی ٢٠٠٦دا کورتە فیلمی سەربەخۆی بەتاڵ (توهیرەند)ی نووسیوە و دەرهێنەری بووە. لە ساڵی ٢٠٠٧ ڕۆمانی تۆپی پاییز (سوگیسبۆڵ)ی ماتی ئونتی وەرگێڕاوە کە خەڵاتی ئاسۆی لە شەست و چوارەمین فێستیڤاڵی نێودەوڵەتی فیلمی ڤێنیزدا بەدەستهێنا، کە تا ئێستاش وەک بەرزترین ناساندنی نێودەوڵەتی فیلمێکی ئیستۆنی بەدەستی هێنابێت. لە ساڵی ٢٠١٠ دووەم درامای درێژ لەلایەن ئوونپوەوە بەناوی (وەسوەسەی سانت تۆنی) (Püha Tõnu kiusamine) لە فێستیڤاڵی فیلمی سەندەنس نمایشکرا. فیلمەکە وەک پێشکەشکاری ئیستۆنیا بۆ خەڵاتی ئۆسکار بۆ باشترین فیلمی زمانی بیانی لە ٨٣هەمین خەڵاتی ئۆسکاردا هەڵبژێردرا، بەڵام نەیتوانی ببێتە لیستی کورتی کۆتایی. سێیەم فیلمی درێژی "Free Range" لە فێستیڤاڵی نێودەوڵەتی فیلمی بەرلین لە ساڵی ٢٠١٤ بۆ یەکەمجار و چوارەم فیلمی "Roukli"(٢٠١٥) لە ٢٨ەمین فێستیڤاڵی نێودەوڵەتی فیلمی تۆکیۆ لە ساڵی ٢٠١٦. هەروەها Õunpuu دوو دەرهێنانی شانۆیی لە شانۆی NO99 لە تالین ئەنجامداوە. لە ساڵی ٢٠١٠ شانۆنامەی "شار، زبڵ و مردن"ی ڕەینەر وێرنەر فاسبیندەر و لە ساڵی ٢٠١٦دا "ئازایەتی دایک"ی بێرتۆڵت برێخت.