Paoli Dam

دەربارەی ئەکتەر

پاولی دام لەدایکبووی ٤ی تشرینی یەکەمی ١٩٨٠، ئەکتەری هیندییە و لە زنجیرەی تەلەفزیۆنی بەنگالی Jibon Niye Khela (٢٠٠٣) دەستی بە کاری هونەری کردووە. پاشان لە زنجیرە تەلەفزیۆنییەکانی بەنگالی وەک تیتیر ئاتیتی و سۆنار هارین کاری کردووە؛ یەکەمیان بۆ ماوەی شەش ساڵ لە کەناڵی ETV Bangla نمایشکرا. دام منداڵی خۆی لە شاری کۆلکەتا بەسەر بردووە، بڕوانامەی پۆست گریجوەی لە کیمیا لە کۆلێژی زانستی ڕەجەبازار بەدەستهێناوە. سەرەتا ویستویەتی ببێتە توێژەری کیمیایی یان فڕۆکەوان. یەکەم فیلمی بەنگالی- Teen Yaari Katha، لە دەرهێنانی سودێشنا ڕۆی و ئەبیجیت گوها- لە ساڵی ٢٠٠٤ دەستیپێکرد، بەڵام تا ساڵی ٢٠١٢ بڵاونەکرایەوە، یەکەم فیلمی دام بڵاوکرایەوە ئاگنیپاریکشا بوو کە لەلایەن ڕاڤی کیناگی دەرهێنرا. لە نێوان ساڵانی ٢٠٠٦ بۆ ٢٠٠٩ لە پێنج فیلمی بەنگالیدا بەشداری کردووە، بە فیلمی کالبێلا لە ساڵی ٢٠٠٩ کە لە دەرهێنانی گوتام غۆسەوە بووە، ناوبانگی دەرکردووە. لە ساڵی ٢٠١١ بەهۆی ڕۆڵی لە فیلمی بەنگالی "چاتراک" ناساندنی نێودەوڵەتی وەرگرت. فیلمەکە لە فێستیڤاڵی فیلمی کان و هەروەها لە فێستیڤاڵەکانی فیلم لە تۆرۆنتۆ و بەریتانیا نمایشکرا، لە ساڵی ٢٠١٢ دام یەکەم جار لە بۆلیوود دەرکەوت لە فیلمی Hate Story و هەروەها لە فیلمی Ankur Arora Murder Case لە دەرهێنانی ڤیکرام بات کە لە دەرهێنانی سۆهایل تاتاری بوو. خەڵاتی هەڵبژاردەی بینەرانی بۆ باشترین ئەکتەری کچ بەدەستهێنا بەهۆی ڕۆڵی لە فیلمی ناتۆکەر مۆتۆ لە فێستیڤاڵی فیلمی بەنگالی حەیدەراباد لە ساڵی ٢٠١٦.