Adi Rukun

دەربارەی ئەکتەر

ئادی ڕوکون لە ساڵی ١٩٦٨ لە شاری سێردانگ بێداگای لە سوماترای باکوور لەدایک بووە و بچووکترینی هەشت منداڵە. دواتر ڕووی لە شاری میدان کردووە و کارەکتەری سەرەکی فیلمە دۆکیۆمێنتارییەکەی جۆشوا ئۆپنهایمەرە کە لە ساڵی ٢٠١٤دا دەرهێنراوە (ڕوانگەی بێدەنگی). لە دانپێدانانی بکوژە بەکۆمەڵەکان لە فیلمەکانی ئۆپنهایمەر و هەروەها لە کتێبی (ئێمبون بەردارە) ( شەبنەمی خوێناوی)ی ئەمیر حەسەن لە ساڵی ١٩٩٤ کە بە وردی باس لەوە دەکات کە نووسەر چۆن لە دەوروبەری ساڵی ١٩٦٥ کۆمۆنیستەکانی کوشتووە، ئادی بۆی دەرکەوتووە کە چۆن برا گەورەکەی کوژراوە. ئەمیر حەسەن، یەکێک لە بکوژانی براکەی ئادی، کتێبەکەی وەک تۆمارێکی مێژوویی لەبارەی ‘کردەوە قارەمانەکانی’ لە کوشتنی کۆمۆنیستەکاندا نووسیوە. لە فیلمەکەی ئۆپنهایمەردا، ئەمیر ئیدیعا دەکات کە کتێبەکە ‘گرنگە بۆ ئەو کەسانەی کە بەردەوامن لە خوێندنی باڵا’. هەروەها ئەمیر وێناکاری لە کتێبەکەدا کێشاوە و کۆپییەکی ئەم کتێبەی داوە بە ئۆپنهایمەر و دواتر بە قەرز بە ئادی داوە.