Leyla Lydia Tuğutlu

دەربارەی ئەکتەر

لەیلا لیدیا توگوتلو لەدایکبووی ٢٩ی تشرینی یەکەمی ١٩٨٩، خانمە ئەکتەر و مۆدێل و خاوەنی نازناوی پێشبڕکێی جوانکاری تورکی-ئەڵمانییە و تاجی شاجوانی تورکیای بۆ ساڵی ٢٠٠٨ دانرا، لە پێشبڕکێی شاجوانی جیهانی ٢٠٠٨ نوێنەرایەتی تورکیای کرد. لەیلا لیدیا توگوتلو لە ساڵی ١٩٨٩ لە شاری بەرلین لەدایک بووە، کچی باوکێکی تورکە و دایکی ئەڵمانییە. دوای خوێندنی سەرەتایی لە کۆنسێرڤاتۆری تورکیا وانەی پیانۆ و کەمانچەی وەرگرت. لەم ماوەیەدا لە دەزگایەکی مۆدێلدا کاری کردووە. توگوتلو لە ئامادەیی ئەنادۆڵ دەرچووە و بۆ کاری مۆدێلکردن کۆنسێرڤاتۆری بەجێهێشتووە. لە هەمان قۆناغدا لە زانکۆی ئەستەنبوڵ زمان و ئەدەبی ئەڵمانی دەخوێند. زمانی تورکی و ئینگلیزی و ئەڵمانی قسە دەکات. لە زنجیرەی قەرەدایی ڕۆڵی خوشکی بچووکی کەنان ئیمیرزالیئۆغڵو (ماهیر کارا)ی بینیوە. لەیلا لیدیا توگوتلو نازناوی شاجوانی تورکیای ساڵی ٢٠٠٨ی بەدەستهێنا، لە مانگی کانوونی دووەمی ٢٠٠٨ بەشداری پێشبڕکێی شاجوانی جیهانی کرد کە لە شاری جۆهانسبێرگ لە باشووری ئەفریقا بەڕێوەچوو و لەوێ نوێنەرایەتی تورکیای کرد. هەروەها لە ساڵی ٢٠٠٥ نازناوی باشترین بەڵێندەر لە باشترین مۆدێلی تورکیای بەدەستهێنا، لە ساڵی ٢٠٠٦ لە شاجوانی نێودەوڵەتی شاجوانی گەشتیاری لە چین دەرکەوت و خەڵاتی شازادەی نێودەوڵەتی بەدەستهێنا. لە ساڵی ٢٠٠٧ خەڵاتی ئۆسکاری مۆدەی تەلەفزیۆنی وەک "بەڵێندەرترین مۆدێل" بەدەستهێنا.