Rashid Behbudov

دەربارەی ئەکتەر

ڕەشید بێهبودۆڤ (بە ئازەری : Rəşid Məcid oğlu Behbudov ) گۆرانیبێژ و ئەکتەری ئازەربایجانی بوو. بە زمانەکانی ئازەربایجانی، تورکی، ڕووسی، فارسی، جۆرجیی، هیندی، ئەرمەنی، ئوردو، بەنگالی لەنێو زمانەکانی دیکەدا گۆرانی وتووە. ڕەشید بێهبودۆڤ لە شاری تفلیس لەدایکبووە، لە ساڵی ١٩١٥. باوکی بەناوی ماجید بێهبودۆغلو گۆرانیبێژیش بووە. لە ساڵی ١٩٣٨ تا ١٩٤٤ ڕەشید ڕووی لە ئەرمینیا کردووە و لە فیلارمۆنیای دەوڵەتی یەریڤان و ئۆپێراخانە کاری کردووە و لە ساڵی ١٩٤٥ لەسەر بانگهێشتی تۆفیگ گولیێڤ ڕەشید بێهبودۆڤ ڕووی لە باکۆ کردووە. هەر لەو ساڵەدا ڕۆڵی سەرەکی ئەسگەر لە فیلمی کۆڵبەری قوماشدا پێسپێردرا، کە لەسەر بنەمای شانۆگەرییەکی ئوزەیر هاجیبەیۆڤ دروستکراوە. ڕۆڵی لەم فیلمەدا لەگەڵ لێهاتوویی دەنگیدا تێکەڵ بوو، ناوبانگێکی زۆری بۆ هێنا لە سەرانسەری ئازەربایجان. لە ماوەیەکی کورتدا بێهبودۆڤ بوو بە گۆرانیبێژی پۆپی ئازەربایجانیش. تێکەڵکردنی شاکارە دەنگییەکانی لە نمایشە کلاسیکەکانەوە تا گۆرانی لیریکی دەستی پێکرد. بەهرەی دەنگی دەگمەنی بێهبودۆڤ دەرفەتی ئەوەی پێبەخشی کە گەشت بکات لە دەرەوەی "پەردەی ئاسن"ی یەکێتی سۆڤیەت، هەروەها وەک گۆرانیبێژێک گەشتێکی کردووە بە نمایشی کۆنسێرت لە چەند وڵاتێکی جیهان لەوانە ئێران، تورکیا، چین، هیندستان، ژاپۆن، ئەرجەنتین و چەندین وڵاتی دیکەی ئەوروپا، ئاسیا و ئەمریکای لاتین. لە ساڵی ١٩٦٦ شانۆی گۆرانی دەوڵەتی دروستکرد کە تا ئێستاش ناوی ئەوی هەڵگرتووە و بووەتە سۆڵۆیست و بەڕێوەبەری هونەری.