Lila Avilés

دەربارەی ئەکتەر

لیلا ئەڤیلێس سۆلیس لەدایکبووی ساڵی ١٩٨٢؛ مەکسیکۆ سیتی) دەرهێنەری سینەما، سیناریۆنووس، بەرهەمهێنەر و ئەکتەرە کە ستایشی بەرفراوانی وەرگرتووە بۆ یەکەم فیلمی درێژی بەناوی La camarista (The Chambermaid، ٢٠١٨)، یەکەم فیلمە هەڵبژێردرا بۆ نوێنەرایەتیکردنی مەکسیک لە خەڵاتی ئۆسکار و گۆیا لە ساڵی ٢٠٢٠. لیلا ئاڤیلێس خوێندنی هونەری نمایشی و دەرهێنانی شانۆیی و هەروەها سیناریۆی فیلمی خوێندووە. پێش ئەوەی خۆی بخاتە بواری دەرهێنانی فیلمەوە، ئەکتەری زنجیرە تەلەفزیۆنیەکانی وەک ئێل پانتێرا (٢٠٠٦)، فوگاس دێل دیستینۆ (٢٠١٠) و دیسێنادۆ پرۆفوندۆ (٢٠١٠) بووە. یەکەمجار وەک سینەماکار بە کورتە فیلمی Deja vu لە ساڵی ٢٠١٦ بەشداری کرد. یەکەم فیلمی درێژی بەناوی لا کاماریستا لە فێستیڤاڵی نێودەوڵەتی فیلمی تۆرۆنتۆ لە ساڵی ٢٠١٨ بۆ یەکەمجار نمایشکرا. بەم فیلمە ئەڤیلێس خەڵاتی ئاریێلی بۆ یەکەم فیلمی درێژ بەدەستهێنا، هەروەها پاڵێوراوی باشترین دەرهێنەریشی بەدەستهێنا. هەروەها ئەم فیلمە لە فێستیڤاڵی نێودەوڵەتی فیلمی مۆرێلیای ٢٠١٩دا خەڵاتی چاوی فیلمی درێژی مەکسیکی بەدەستهێنا. لە مانگی ئەیلولی ساڵی ٢٠١٩ ئەکادیمیای هونەر و زانستە سینەماییەکانی مەکسیک فیلمی The Camerista وەک نوێنەری مەکسیک بۆ خولی ٣٤ی خەڵاتی گۆیا و چاپی ٩٢ی خەڵاتی ئۆسکار هەڵبژارد.