Shahab Hosseini

لەدایکبوونی: 1974-02-04 شوێنی لەدایکبوون: Tehran, Iran تێکڕای بەرهەم: 70

دەربارەی ئەکتەر

شەهاب حوسێنی (شهاب حسینی) دەرهێنەر و ئەکتەری شانۆ و تەلەفزیۆن و سینەمایە و لە ساڵی ١٩٧٤ لە شاری تارانی پایتەختی ئێران لە دایکبووە. سەرەتای کاری پیشەگەری خۆی بە ڕۆڵی "ڕۆخسارە"ی ئەمیر غەڤیدل دەستپێکرد. بۆ ماوەی دوو ساڵ لەسەریەک لە فیلمی "مۆمێک لە بادا" لە نووسینی پووران دێرەخشەندە و "ڕزگاربوون لە بیست خولەک دوای هەشت" لە نووسینی سیروس ئەلوەند پاڵێوراو بوو بۆ باشترین ئەکتەری پاڵپشت لە فێستیڤاڵی فەجر. پاشان خەڵاتی باشترین ئەکتەر بۆ فێستیڤاڵی فەجر بۆ فیلمی "ئەستێرە" لە نووسینی تەحمینە میلانی بەدەستهێنا. شەهاب حوسێنی لە ساڵی 2008 لە فیلمی "دەربارەی ئیلی" لە دەرهێنانی ئەسغەر فەرهادی، خەڵاتی دیپلۆمی فەخری باشترین ئەکتەری پاڵپشتیی بەدەستهێنا. هەروەها خەڵاتی باشترین ئەکتەر لە فێستیڤاڵی فیلمی بەرلین لە فیلمی "جیابوونەوەیەک" لە نووسینی ئەسغەر فەرهادی بەدەستهێنا، دوای ئەوە خەڵاتی باشترین ئەکتەر لە فێستیڤاڵی فیلمی کان بۆ فیلمی "فرۆشیار" لە نووسینی ئەسغەر فەرهادی بەدەستهێنا. لە ساڵی ٢٠١٤ فیلمی "دانیشتووانی چینی ناوەڕاست"ی بەرهەمهێناوە، لە باشترین فیلمەکان کە ڕۆڵی "پارسە دار مێه"ی بەهرام تاوەکولی و "خانە پێداری"ی کیانوش ئایاری و "حەوزی نیگارکێشان" لە نووسینی مەزیار میری و "براکەم، خوسرەو" لە نووسینی سۆهەیل بیراگی بینیوە.