Katerina Didaskalou

دەربارەی ئەکتەر

کاترینا دیداسکالۆ ئەکتەری فیلم و شانۆ و تەلەفزیۆنی یۆنانییە. دیداسکالۆ لە شاری ئەسینای پایتەخت لەدایکبووە، بەڵام لە شارە جیاوازەکانی یۆنان گەورە بووە، دوای باوکی کە دادوەرێکی باڵا بووە. دوای خوێندنی ئامادەیی لە قوتابخانەی فەلسەفی ئەسینای پایتەخت و هەروەها لە قوتابخانەی درامای شانۆی نیشتمانی درێژە بە خوێندن دەدات و لەوێشەوە بە پلەی یەکەم دەرچووە. بە سکۆلەرشیپێک لە دامەزراوەی ئۆناسیس، چووە نیویۆرک بۆ درێژەدان بە خوێندنەکەی لە زانکۆی کۆڵۆمبیا لە بواری نواندنی فیلمدا، هەروەها لە ستۆدیۆی یوتا هاگن ئێچ بی لە بواری نواندنی شانۆدا. دیداسکالۆ بەشداری لە چەندین زنجیرەی تەلەفزیۆنی و چەندین فیلمدا کردووە. یەکەم دەرکەوتنی لە تەلەفزیۆن لە ساڵی ١٩٩٠ بە زنجیرە تەلەفزیۆنییەکەی The Yellow Envelope کە لە کەناڵی تەلەفزیۆنی ANT1 نمایشکرا، لە ساڵی دواتر لە ساڵی ١٩٩١ ڕۆڵی سەرەکی لە زنجیرەی O Phobos لە کەناڵی ET2 بینی و لە هەمان کاتدا یەکەم دەرکەوتنی لە سینەمادا بوو بە فیلمی دوو خۆر لە ئاسمان کە لە دەرهێنانی جۆرجۆس ستامبولۆپۆلۆس بوو. نمایشێکی شانۆیی ناسراو کە ڕۆڵی سەرەکی هەبووە، شانۆنامەی "قەحبە لە سەرەوە"یە لە نووسینی ئەنتۆنیس تسیپیانیتس. ئەو خانمە ئەکتەرە لە ساڵی ١٩٨٤ بۆ ئۆڵۆمپیادی لۆس ئەنجلۆس و لە ساڵی ١٩٨٨ بۆ ئۆڵۆمپیادی سیئۆل لە پێشەنگی مەراسیمی داگیرساندنی بڵێسەی ئۆڵۆمپیدا بوو