Ida Kamińska

دەربارەی ئەکتەر

ئیدا کامینسکا (بە ئینگلیزی : Ida Kaminska ) (١٨ی ئەیلوولی ١٨٩٩ - ٢١ی ئایاری ١٩٨٠) ئەکتەری پاڵێوراوی خەڵاتی ئۆسکار بووە. لە تەمەنی پێنج ساڵییەوە دەستی بە کاری شانۆیی کردووە. یەکەم ڕۆڵی شانۆیی لە ساڵی ١٩١٢ لە فیلمی میرێل ئیفرۆس بوو، دایکی و خوشکەکەی ڕۆڵی دیکەی لە شانۆنامەکەدا بینی. لە ساڵی ١٩٦٥ ڕۆڵی سەرەکی لە فیلمی چیکۆسلۆڤاکیی The Shop on Main Street (Obchod na korze، لە دەرهێنانی یان کادار و ئێلمار کلۆس) بینی، لە ساڵی ١٩٦٦ پاڵێوراوی خەڵاتی ئۆسکار بۆ باشترین ئەکتەری ڕۆڵی سەرەکی وەرگرت. دوایین ڕۆڵی فیلمی The Angel Levine (١٩٧٠) بوو کە لە دەرهێنانی یان کادار بوو. دوای مردنی بەهۆی نەخۆشییەکانی دڵ و خوێنبەرەکان لە ساڵی ١٩٨٠، لە تەمەنی ٨٠ ساڵیدا، لە بەشی شانۆی ییدیش لە گۆڕستانی چیای هێبرۆن لە شاری فلۆشینگ لە نیویۆرک بە خاک سپێردرا. لە ویکیپیدیاوە.