Richard Attenborough

لەدایکبوونی: 1923-08-29 شوێنی لەدایکبوون: Cambridge, Cambridgeshire, England, UK تێکڕای بەرهەم: 117

دەربارەی ئەکتەر

ڕیچارد ساموێل ئاتنبۆرۆ، بارۆن ئاتنبۆرۆ، Kt، CBE (بە ئینگلیزی : Richard Samuel Attenborough , Kt , CBE ) ئەکتەر و سینەماکار و خاوەنکار و سیاسەتمەدارێکی ئینگلیزی بووە. سەرۆکی ئەکادیمیای شاهانەی هونەری دراما (RADA) و ئەکادیمیای هونەری فیلم و تەلەفزیۆنی بەریتانیا (BAFTA) بووە. ئاتنبۆرۆ لە کاتی جەنگی جیهانی دووەمدا پەیوەندی بە هێزی ئاسمانی شاهانە کردووە و لە یەکەی فیلمدا خزمەتێکی زۆری کردووە. چەندین هێرشی بۆردومانی بەسەر ئەوروپادا کردووە و لە شوێنی تۆپچی دواوە وێنەی ئەکشنی گرتووە. ئاتنبۆرۆ وەک دەرهێنەر و بەرهەمهێنەری فیلم دوو خەڵاتی ئۆسکاری بۆ گاندی لە ساڵی ١٩٨٣ بەدەستهێناوە، هەروەها چوار خەڵاتی بافتا و چوار خەڵاتی گۆڵدن گڵۆبی بەدەستهێناوە. ڕەنگە وەک ئەکتەرێک بە ڕۆڵەکانی لە فیلمەکانی برایتۆن ڕۆک، هەڵهاتنی گەورە، ١٠ ڕیلینگتۆن پلەیس، موعجیزە لە شەقامی ٣٤ (١٩٩٤) و پارکەکەی جوراسیک ناسراو بێت. برا گەورەکەی دەیڤید ئاتنبۆرۆ، سروشتناس و پەخشکەر و جۆن ئاتنبۆرۆ، کارگێڕی کۆمپانیای ئەلفا ڕۆمیۆ. لە ساڵی ١٩٤٥ تا کۆچی دوایی لەگەڵ خانمە ئەکتەر شیلا سیم هاوسەرگیری کردووە.