Gulzar

دەربارەی ئەکتەر

سامپووران سینگ کالرا بە ناوی قەڵەمەکەی گوڵزار ناسراوە، شاعیر و گۆرانیبێژ و مۆسیقاژەن و ئاوازدانەر و دەرهێنەری فیلمی هیندییە. لە ناوچەی جیلوم لە هیندستانی بەریتانیا لەدایکبووە (ئێستا لە پاکستان) خێزانەکەی دوای دابەشبوون ڕوویان لە هیندستان کردووە. دەستی بە کاری هونەری کردووە لەگەڵ دەرهێنەری مۆسیقا S.D. بورمان وەک گۆرانیبێژێک لە فیلمی Bandini لە ساڵی ١٩٦٣ و لەگەڵ زۆرێک لە دەرهێنەرانی مۆسیقا کاریان کردووە لەوانە R. D. Burman، Salil Chowdhury، Vishal Bhardwaj و A. R. Rahman. لە ساڵانی حەفتاکانی سەدەی ڕابردوودا فیلمی وەک عەندی و مەوسام و زنجیرە تەلەفزیۆنی میرزا غالب لە ساڵانی هەشتاکانی سەدەی ڕابردوو دەرهێنەری بووە. هەروەها لە ساڵی ١٩٩٣ دەرهێنەری فیلمی "کیردار" بووە، هەروەها گۆرانی سەرەکی بۆ فیلمی Motu Patlu نووسیوە کە سیتکۆمێکی ئەنیمەیشنی هیندییە. گوڵزار شیعر و دیالۆگ و سیناریۆیشی نووسیوە. لە ساڵی ٢٠٠٤دا خەڵاتی پادما بوشانی پێبەخشرا، سێیەم بەرزترین خەڵاتی مەدەنی لە هیندستان، خەڵاتی ساهیتیا ئەکادیمی و خەڵاتی داداساحێب فالکە — بەرزترین خەڵات لە سینەمای هیندستان. چەندین خەڵاتی نیشتمانی فیلمی هیندستان و ٢٠ خەڵاتی فیلمفێر و یەک خەڵاتی ئۆسکار و یەک خەڵاتی گرامی بەدەستهێناوە.