Constantine Giannaris

دەربارەی ئەکتەر

کۆنستنتینۆس جیاناریس (سیدنی، ١٩٥٩) دەرهێنەری فیلمی یۆنانییە. لە شاری سیدنی لەدایکبووە. لە زانکۆکانی کیل و بیرمینگهام لە بەریتانیا زانستی ئابووری و مێژوو و فەلسەفەی خوێندووە. کاری سینەمایی لە ئینگلتەرا دەستی پێکرد و لەوێ فیلمی سەربەخۆی کورت و کەم بودجەی تەواو کرد. بەشداربووە لە فیلمی دیکۆمێنتاریی ئەزموونی ئینگلیزی لە ساڵی ١٩٨٢دا بەناوی تۆڵەسەندنەوەی هەرزەکارە چەوتەکان کە تێیدا هەرزەکارە هاوڕەگەزبازەکان پرسیار لە کەسانی جیاڕەگەزبازی ئینگلیزی دەکەن سەبارەت بە بۆچوونەکانیان سەبارەت بە هاوڕەگەزبازی. یەکەم فیلمی یۆنانی بە ناوی شوێنێک لە خۆردا لە ساڵی ١٩٩٥ خەڵاتی باشترین فیلمی یۆنانی لە فێستیڤاڵی کورتە فیلمی دراما بەدەستهێنا. لە هەمان ساڵدا فیلمی نزیک لە بەهەشت و لە ساڵی ١٩٩٨ فیلمی لە لێواری شارەوە کە خەڵاتی دووەمی باشترین فیلمی وەزارەتی ڕۆشنبیری بەدەستهێنا. لە ساڵی ٢٠٠١ فیلمی Dekapentaugustos و لە ساڵی ٢٠٠٤ فیلمی Homer ی گرتووە. فیلمەکانی لە زۆرێک لە فێستیڤاڵ و کۆڕبەندە نێودەوڵەتییەکانی فیلم نمایشکراون. یەکەم فیلمی درێژی نزیک بەهەشت لە لەندەن پارەی بۆ دابینکرا و وێنەگیرا. ئەمڕۆ لە ئەسینای پایتەخت کار دەکات و دەژی. بە ئاشکرا ڕایگەیاندووە کە هاوڕەگەزبازە و بێدینە.