John Gottowt

دەربارەی ئەکتەر

جۆن گۆتۆوت (بە ئینگلیزی : John Gottowt ) لە دایکبووی ئیسیدۆر گێسانگ؛ ١٥ی حوزەیرانی ١٨٨١ - ٢٩ی ئابی ١٩٤٢، ئەکتەر و دەرهێنەری شانۆ و دەرهێنەری فیلمی نەمسایی بووە بۆ شانۆ و فیلمە بێدەنگەکان. گۆتۆوت لە شاری لێمبێرگ لە ویلایەتی نەمسا-مەجارستان (ئێستا شاری لڤیڤ لە ئۆکرانیا) لە خێزانێکی جولەکەدا لەدایکبووە. دوای خوێندنی لە ڤیەننا، لە ساڵی ١٩٠٥ پەیوەندی بە شانۆی دۆیچەس لە بەرلین کردووە، وەک ئەکتەر و دەرهێنەر بۆ ماکس ڕینهارت کاری کردووە. گۆتۆت بە شێوەیەکی سەرەکی لە شانۆ جیاوازەکانی بەرلین وەک ئەکتەری کارەکتەر و دەرهێنەر چالاک بووە. یەکەم دەرکەوتنی لە فیلمی بێدەنگدا لە فیلمی Der Student von Prag ("خوێندکاری پراگ") (١٩١٣)ی پاوڵ ڤیگنەر بوو. لە ساڵی ١٩٢٠ لە فیلمی Genuine لە نووسینی ڕۆبەرت وین دەرکەوت و ڕۆڵی سەرەکی لە فیلمی سەرەتایی زانستی خەیاڵی ئەلگۆڵدا گێڕا. لە ساڵی ١٩٢١ ڕۆڵی پرۆفیسۆر بولوەر (ئەبراهام ڤان هێلسینگ) لە فیلمی کلاسیکی بێدەنگی نۆسفێراتو لە دەرهێنانی ف.دبلیو. هەروەها گۆتۆ لەگەڵ زاوای هێنریک گالین چەندین فیلمی دروستکردووە بەڵام وەک جولەکەیەک لە ساڵی ١٩٣٣دا کارەکانی وەک ئەکتەری پیشەگەر قەدەغەکرا. دوای چەند ساڵێک لە دانیمارک ڕووی لە شاری کراکۆڤ لە پۆڵەندا کرد. لە ساڵی ١٩٤٢ لەلایەن ئەفسەرێکی ئێس ئێسەوە کوژرا لەکاتێکدا خۆی لە ڤیلیچکا حەشاردابوو، کە خۆی وەک قەشەیەکی ڕۆمانی کاسۆلیکی پۆشیبوو.