Erinn Bartlett

دەربارەی ئەکتەر

لە ویکیپیدیا، ئینسایکلۆپیدیای ئازاد ئێرین ئان بارتلێت، لە ٢٦ی شوباتی ١٩٧٣ لەدایک بووە، ئەکتەری ئەمریکییە و بەشداری لە پێشبڕکێی شاجوانی هەرزەکارانی ئەمریکادا کردووە. بارتلێت لە نزیک شاری لۆنگمیدۆ لە ویلایەتی ماساشوستس لەدایکبووە و بۆ یەکەمجار لە ساڵی ١٩٨٩دا بەشداری لە نازناوی شاجوانی هەرزەکاری ویلایەتی ماساشوستسدا کردووە، کاتێک پلەی دووەمی بەدەستهێنا. دواتر تاجی شاجوانی هەرزەکارانی ویلایەتی ماساشوستس لە ساڵی ١٩٩١ بەدەستهێنا و نوێنەرایەتی ویلایەتی ماساشوستسی کرد لە پێشبڕکێی شاجوانی هەرزەکارانی ئەمریکا لە ساڵی ١٩٩١ کە لە ١٩ی ئابی ١٩٩١ لە شاری بیلۆکسی ویلایەتی میسیسیپی بەڕێوەچوو، بارلێت لە دوانزە باشترینەکانی پێشبڕکێی تەلەفزیۆنی نیشتمانیدا بوو، پلەی شەشەمی لە چاوپێکەوتنەکاندا بەدەستهێنا، دواهەمین لە جل و بەرگی مەلەوانی و پلەی دەیەمی لە جل و بەرگی ئێوارەدا بەدەستهێنا. تێکڕای نمرەی پێشبڕکێکانی وایکردووە بە گشتی لە پلەی دەیەمدا بێت. دەرچووی کۆلێژی ئیتاکایە و بڕوانامەی لە بواری پەیوەندییەکان بەدەستهێناوە. لە ٢١ی شوباتی ٢٠٠٤ دەستگیرانی ئەکتەری ناوداری ئەمریکی ئۆلیڤەر هادسۆن کوڕی گۆڵدی هۆن و لە ٩ی حوزەیرانی ٢٠٠٦ هاوسەرگیریان کرد، لە مانگی ئازاری ٢٠٠٧ ڕاگەیەندرا کە ئەو دوو هاوسەرە چاوەڕوانی یەکەم منداڵیان دەکەن. لە ٢٣ی ئابی ٢٠٠٧ بارتلێت لە شاری لۆس ئەنجلۆس کوڕێکی بە ناوی وایڵدەر بروکس هادسۆن لەدایک بوو. لە ئۆکتۆبەری ٢٠٠٩ ڕاگەیەندرا کە ئەو دوو هاوسەرە چاوەڕوانی منداڵی دووەمیان دەکەن. بارتلێت لە ١٩ی ئازاری ٢٠١٠ کوڕی دووەمی ئەو دوو هاوسەرە بەناوی بۆدی هۆن هادسۆن لەدایکبوو. وەسفکردنی سەرەوە لە وتارەکەی ویکیپیدیایەوە وەرگیراوە Erinn Bartlett، مۆڵەتی بەپێی CC-BY-SA، لیستی تەواوی بەشداربووان لە ویکیپیدیا.